Över uns
Tradition un Technik
STORAG ETZEL GmbH is een van de gröttsten Anbeeders van Kaverns in Dütschland. In Etzel gifft dat dat Ünnernehmen siet 1971 un hett 2016 een anner Noom kreegen: STORAG ETZEL.
De Kaverns sünd verhüürt an Energieünnernehmers un Organisationen, de hier Öl vör verscheeden Länner in Europa logern. Ook dat meest van de dütsche Rohölvörraad liggt in Etzel.
Disse Lüü helpt wieder
Kavernen-Infozentrum Etzel
Marcel Sodmann
Beim Postweg 2
26446 Friedeburg
Bürgertelefon: 04465 977 93 39
Downloads
Uns Upgaav: Seker mit Energie versörgen
In de Kaverns kann man Gas oder Öl logern. Vandaag is dat wichtig, dat immer genoog Öl un Gas levert weern kann – man bruukt bloos an de Johren 1973 un 1979 denken, as dat Öl tomol bi uns knapp weer.
Uns Regeern hett fastleggt, to jeder Tied een bestimmt Quantum an Rohöl to logern, worvan dat meeste nu ünner Etzel liggt.
Rekent man dat Gas dortoo, kann uns nu bi politisch Krisen nich mehr so licht de Öl- of Gashohn offdreiht woorn.
Weet Ji dat?
Öl is de Grundstoff t. B. för Benzin. De Rohölvörraad sekert uns för 90 Daag af.
Fiev grood Öltanks övert Grund sünd nödig, üm een Ölkavern to ersetten.
Een Tank = 100.000 m3,
een Ölkavern = 500.000 m3.
Worüm word Erdgas in Soltkamers unner't Eer upbewahrt?
Erdgas word dusende Kilometers van hier ut de Grund van de Nordseee of Sibirien ruthaalt un in Rohrleitungs na Etzel transporteert. Dat Gas ut de Nordsee bruukt bit to dree Daag, bit dat bi uns ankummt. De stevig Rohren van de Transportleitung sünd Stück vör Stück bit to 18 Meter lang, över tein Tünnen swaar un hebbt een Döörmeter bit to annerthalf Meter. De wichtigst Rohren na de STORAG ETZEL sünd an Pumpstationen an de Neddersassenbrügg un de Deepwaterhaven an de Jadebusen anslooten.
Uns Vördeel
Gooden Ünnergrund un Loog
De Soltstock in Etzel hett de Vördeel, dat 750 Meter ünnert Eer groot Kaverns utspölt weern könnt.
Upstünns liggt in 51 Kaverns 4,5 Milliarden Kubikmeter Gas. In 24 anner Kaverns liggt ungefähr 10 Millionen Kubikmeter Rohöl.
Etzel liggt as „Energiedreihschiev“ günstig in Middeleuropa un is an een grood Nett van Pipelines anschlooten. Hier wurd also de Energie ut de Länner, woor dat herkummt, mit de Länner, de dat bruukt, mitnanner verbunnen.
Energielagers
Energielagers vandaag un moorn
Ümweltfrünnelk un günstig arbeiten
Man kann Energie ook anners logern, ober so, as dat in Etzel löppt, gifft dat ook Vördeelen: Groode Tanks övert Grund bruuken vööl Flächen un sünd ook nich so seeker. Un de Kaverns könnt een lang Tied bruukt weern.
De Technikers forschen doran, de Energie ut de Windkraft, de nich sofort bruukt woord, so ümtowanneln, dat de ook in Kaverns logert weern kann. Dat is villicht de nee Tied för Etzel un een good Idee för ganz Ostfreesland.